Mae Diverse Cymru’n cynnig amrywiaeth o sesiynau hyfforddi rhagorol a gydnabyddir yn rhai o safon, gweler isod am ragor o fanylion am y sesiynau’r ydym yn eu cynnig.
Yn yr hyfforddiant hwn, cewch archwilio rôl amrywiaeth yn eich sefydliad ac mewn cymdeithas a sut i wella eich arferion o ran amrywiaeth.
Deilliannau dysgu
Erbyn diwedd y sesiwn, bydd cyfranogwyr yn gallu:
- Deall yr hyn rydyn ni’n ei olygu wrth drafod cydraddoldeb ac amrywiaeth
- Deall y gwahanol grwpiau o nodweddion gwarchodedig
- Deall yr hyn mae cydraddoldeb ac amrywiaeth yn ei olygu’n ymarferol
- Deall sut mae amrywiaeth yn gweithio mewn sefydliadau a chymunedau
- Gwella gwybodaeth a dealltwriaeth am Ddeddf Cydraddoldeb 2010, gwahaniaethu, ac addasiadau rhesymol
- Deall sut i wella cydraddoldeb ac amrywiaeth
- Myfyrio ar sut mae stereoteipio’n gweithio
- Deall sut a phryd i herio anghydraddoldeb a gwahaniaethu
Bydd y gweithdy rhyngweithiol a chyfranogol hwn yn eich cynorthwyo i fynd i’r afael â materion cydraddoldeb ac amrywiaeth ar gyfer eich holl staff a defnyddwyr gwasanaeth.
Gellir cynnal y cwrs dros hanner diwrnod neu ddiwrnod llawn. Mae’r opsiynau ar gyfer y cwrs diwrnod llawn yn cynnwys un o’r canlynol:
- Gweithio drwy brosiect neu wasanaeth penodol yr ydych yn ei ddatblygu
- Sesiwn fer ar ymwybyddiaeth rhagfarn ddiarwybod
- Sesiwn fer ar ymwybyddiaeth egwyddorion ac ymarfer hawliau dynol
- Sesiwn penodol ar gyfer rheolwyr ar gydraddoldeb ac amrywiaeth mewn arferion rheoli
Yn yr hyfforddiant hwn, deall pwy sy’n destun y ddeddfwriaeth (grwpiau nodweddion gwarchodedig) a sicrhau cydymffurfio o ran cyflogaeth a gwasanaeth cwsmer.
Amcanion dysgu
Erbyn diwedd y sesiwn, bydd gan gyfranogwyr fwy o ddealltwriaeth ynghylch:
- Pwy mae’r Ddeddf yn ymdrin â hwy (nodweddion gwarchodedig)
- Y mathau o wahaniaethu sy’n anghyfreithlon
- Pa bryd gellir mabwysiadu mesurau gweithredu cadarnhaol
- Pa bryd mae’n iawn gwahaniaethu (yn cynnwys gofynion galwedigaethol)
- Ystyr addasiadau rhesymol a pha bryd maen nhw’n berthnasol
- Cyfrifoldebau ac atebolrwydd cyflogwyr neu ddarparwyr gwasanaethau
- Sut gellir rhoi Deddf Cydraddoldeb 2010 ar waith
Caiff adran ar Ddyletswydd Cydraddoldeb y Sector Cyhoeddus a dyletswyddau penodol i Gymru yn cael ei ychwanegu at y cwrs hwn ar gyfer sefydliadau’r sector cyhoeddus a sefydliadau sy’n darparu gwasanaethau a gomisiynwyd gan neu ar ran sefydliadau’r sector cyhoeddus.
Mae’r cwrs hwn yn arbennig o berthnasol i unigolion sy’n ymwneud â recriwtio neu reoli staff a’r rhai sy’n gyfrifol am ddarparu gwasanaethau, ynghyd ag i gynrychiolwyr undebau llafur.
Yn yr hyfforddiant hwn, cewch ddod i wybod pa bryd fydd angen ichi newid y ffordd y caiff pethau eu gwneud, pa bryd i wneud newidiadau i oresgyn rhwystrau a grëir gan nodweddion ffisegol eich sefydliad, a pha bryd i ddarparu offer ychwanegol neu gymorth.
Deilliannau dysgu
Erbyn diwedd y sesiwn, bydd cyfranogwyr:
- Yn meddu ar fwy o ymwybyddiaeth ynghylch y ddyletswydd gyfreithiol ar gyflogwyr i wneud addasiadau rhesymol i weithwyr anabl
- Wedi meithrin dealltwriaeth o egwyddorion sylfaenol y ddyletswydd i wneud addasiadau rhesymol
- Wedi gwella eu dealltwriaeth o’r anfanteision a’r rhwystrau mae staff anabl yn eu hwynebu (o bob un o’r 5 o grwpiau namau) a’r atebion posibl i’w goresgyn Wedi canfod gan bwy mae’r hawl i addasiadau rhesymol, pa bryd mae eu hangen a phwy sy’n gyfrifol am hyn
- Yn deall pa gamau i’w cymryd os nad yw cyflogwr yn gwybod fod person yn anabl a/neu os nad yw’r person anabl wedi hysbysu’r cyflogwr o’i nam a’i natur.
- Yn meddu ar well dealltwriaeth o’r amrywiaeth o addasiadau y gellir eu gwneud
- Wedi ystyried canlyniadau methiant i wneud addasiadau rhesymol yn y gwaith
Wedi datblygu cynllun gweithredu sy’n rhoi’r hyn a ddysgwyd ar waith
Yn yr hyfforddiant hwn, byddwch yn dod i ddeall y rhwystrau a wynebir gan bobl anabl ac atebion ar gyfer hygyrchedd.
Deilliannau dysgu
Erbyn diwedd y cwrs hwn, bydd cyfranogwyr yn:
- Deall beth yw model cymdeithasol anabledd
- Gallu rhoi meddylfryd y model cymdeithasol ar waith
- Deall y diffiniad cyfreithiol o anabledd yn Neddf Cydraddoldeb 2010
- Deall gwahanol grwpiau namau a’r ystyriaethau angenrheidiol
- Deall mwy am iaith a moesgarwch yn ymwneud ag anabledd
- Deall mwy am rwystrau ac atebion o ran hygyrchedd a chynhwysiant
- Cynllunio camau gweithredu i wella hygyrchedd a chynhwysiant yn eich sefydliad eich hun
Yn yr hyfforddiant hwn, cewch ddeall beth yw rhagfarn ddiarwybod a sut mae’n effeithio ar gyflogaeth, arferion yn y gweithle, a darpariaeth gwasanaeth.
Deilliannau dysgu
Erbyn diwedd y sesiwn hwn, bydd cyfranogwyr yn:
- Myfyrio ar eu rhagfarn ddiarwybod eu hunain
- Deall diffiniad rhagfarn ddiarwybod
- Deall y mathau o ragfarn ddiarwybod
- Deall yr amrywiaeth o sefyllfaoedd ac arferion yn y gweithle y mae rhagfarn ddiarwybod yn effeithio arnynt
- Deall effaith rhagfarn ddiarwybod ar eu harfer proffesiynol
- Deall effaith rhagfarn ddiarwybod ar gydweithwyr; cwsmeriaid neu ddefnyddwyr gwasanaeth; cynllunio gweithredol; a rhanddeiliaid allanol
Hybu ymwybyddiaeth am sut i liniaru a rheoli rhagfarn ddiarwybod yn effeithiol
Yn yr hyfforddiant hwn, cewch ddysgu sut i gynnal EIA (Equality Impact Assessment) ar eich polisïau a’ch rhaglenni.
Deilliannau dysgu
Erbyn diwedd y sesiwn, bydd cyfranogwyr yn gallu:
- Deall pwy mae Deddf Cydraddoldeb 2010 yn ymdrin â hwy (nodweddion gwarchodedig)
- Dysgu sut i gynnal EIA a’r materion y mae angen eu hystyried
- Deall y risgiau posibl o fethu â chynnal EIA neu benderfyniadau annheg a wneir ar sail EIA
- Deall y math o ddata a gwybodaeth angenrheidiol i gynnal EIA
- Deall pa bryd dylid cynnal EIA
- Deall pwysigrwydd cynhwysiant ac ymgynghori yn y broses hon
- Archwilio’r defnyddiau posibl o Asesiadau Effaith Integredig
- Archwilio cysylltiadau â Deddf Llesiant Cenedlaethau’r Dyfodol (Cymru) 2015
Mae’n well gennym seilio ymarferion rhyngweithiol ar y cwrs hwn ar eich polisi, proses a ffurflenni EIA neu asesiad effaith integredig chi.
Bydd y cwrs rhyngweithiol hwn yn eich cefnogi i ddatblygu eich dealltwriaeth o hunaniaeth o ran rhywedd, mynegiant rhywedd a thrawsrywedd a’r materion y mae pobl drawsryweddol yn eu hwynebu fel gweithwyr, staff ac aelodau’r cyhoedd.
Deilliannau dysgu
Erbyn diwedd y cwrs hwn, bydd cyfranogwyr yn:
- Deall y gwahaniaeth rhwng Hunaniaeth o ran Rhywedd, Mynegiant Rhywedd, Rhywedd Biolegol a Chyfeiriadedd Rhywiol
- Deall pam mae’n bwysig defnyddio terminoleg addas, nad yw’n tramgwyddo
- Asesu effaith stereoteipiau, rhagfarn a gwahaniaethu
- Herio mythau a chamsyniadau cyffredin
- Adnabod a deall hawliau cyfreithiol pobl trawsryweddol mewn cyflogaeth ac fel cwsmeriaid
- Lleihau a diddymu unrhyw ofnau neu gamddealltwriaeth
- Deall y ‘Llwybr Trawsnewid’ a sut gall effeithio ar lesiant ac iechyd person trawsryweddol
- Ymwybodol o newidiadau i bolisi ac arfer y gellid bod eu hangen yn eich adran a’ch rôl eich hunan.
- Gallu rhoi newidiadau i bolisi ac arfer ar waith sy’n gwella profiad staff a chwsmeriaid trawsryweddol
- Gwybod ble i fynd i gael mwy o gefnogaeth
Bydd y cwrs hwn yn archwilio profiadau pobl o homoffobia a biffobia a’r effeithiau arnynt, a sut gall sefydliadau fod yn fwy cynhwysol o bobl lesbiaidd, hoyw a deurywiol (LHD).
Deilliannau dysgu
Erbyn diwedd y cwrs hwn, bydd cyfranogwyr yn:
- Gallu diffinio cyfeiriadedd rhywiol
- Deall yr amrywiaeth o derminoleg a ddefnyddir gan bobl lesbiaidd, hoyw a deurywiol
- Deall pam mae’n bwysig defnyddio iaith addas, nad yw’n tramgwyddo
- Asesu effaith stereoteipiau, rhagfarn a gwahaniaethu
- Gallu herio mythau a chamsyniadau cyffredin ynghylch pobl LHD
- Deall rhai o’r materion cyffredin y mae pobl LHD yn eu hwynebu mewn cyflogaeth a darpariaeth gwasanaeth
- Ymwybodol o newidiadau i bolisi ac arfer y gellid bod eu hangen yn eich adran a’ch rôl eich hunan.
Gallu rhoi newidiadau i bolisi ac arfer ar waith sy’n gwella profiad staff a chwsmeriaid LHD
Yn yr hyfforddiant hwn, cewch ddeall ffactorau sy’n llunio diwylliant, newidiadau diwylliannol mewn cyfathrebu, teulu a rhywedd, a rhoi hwb i’ch hyder ar gyfer rhyngweithio o ddydd i ddydd gyda phobl o amrywiol gefndiroedd.
Deilliannau dysgu
Erbyn diwedd y sesiwn hwn, bydd cyfranogwyr yn:
- Deall ffactorau sy’n llunio diwylliant
- Ystyried esiamplau o wahaniaethau diwylliannol, fel: cyfathrebu, teulu a rhywedd
- Meithrin hyder i ymdrin â gwahaniaethau diwylliannol
Cyflwyniad i adnabod arwyddion a symptomau problemau iechyd meddwl cyffredin a sut i hybu iechyd meddwl a llesiant cadarnhaol.
Deilliannau dysgu
Bydd y cwrs yn galluogi cyfranogwyr i ddatblygu dealltwriaeth gyffredinol o:
- Drallod meddyliol/emosiynol ac iechyd meddwl
- Natur a graddau stigma a gwahaniaethu
- Arwyddion a symptomau iselder, pryder, hunan-anafu ac anhwylderau seicotig
- Ffactorau risg a chyfraddau hunanladdiad
- Llwybrau at adferiad
Iechyd Meddwl Pobl Dduon, Asiaidd a Lleiafrifoledig Ethnig
